Cultura

::: Veta culturala
   

Las uniuns d’Andiasts’engaschan buca mo per ils agens interess. Cun lur occurrenzas culturalas, socialas e sportivas duront igl entir onn animeschan ellas ils contacts denter ils habitonts, ils vitgs vischins e la regiun.

 
:: Occurrenzas
 
 
 

Annunziei Vos termins el calender d’occurrenzas ufficial dalla regiun da vacanzas Breil-Vuorz-Andiast.

Vus saveis registrar online Vossas occurrenzas. Per eventualas damondas ni per ulteriuras informaziuns stat il Center turistic, tel. +41 (0)81 941 13 31 bugen a Vossa disposiziun.

 
:: Romontsch - lungatg ufficial

Ad Andiast ei il lungatg romontsch aunc fetg vivents. Pér naven dalla 4. classa vegn instruiu en scola tudestg sco lungatg jester. Ell’entira Svizra discuoran aunc circa 60'000 persunas quei lungatg (tenor dumbraziun dil pievel 2000).

Il romontsch hodiern ei in lungatg roman seformaus dalla fusiun dil latin vulgar cun il lungatg primar discurrius en Rezia. Parentaus eis el il pli fetg cul talian, il sard ed il franzos. Dapli informaziuns.

 
 
 

 

:: Ils patruns-baselgia s. Giulitta e s. Quiricus
 
 
 

Dils dus patruns-baselgia seregordan ins aunc oz mintg’onn ils 16 da zercladur a caschun dalla perdanonza.

Duront la persecuziun dils Cristians sut imperatur Dioclezian ei Giulitta fugida, tenor la legenda, igl onn 304 cun siu fegl Quiricus (Kerykos, Kyriakos, Querikios) da treis onns ord siu marcau nativ Ikonium (oz Konya en Terchia) a Tarsos en Kilikia. Leu eis ella denton vegnida messa avon dertgira. Cura ch’il derschader ha schau mislar ella cun tschentas, ha igl affon ch’il derschader veva priu sin sia schanuglia per gudignar sia simpatia, entschiet a grir dalla gretta e sgarflar al derschader la fatscha. Sin quei fiera quel igl affon giu dil tribunal ch’el resta morts giun plaun e lai allura scavazzar Giulitta. Il Decretum Gelasianum refusescha quella passio.

La veneraziun dils dus martirs ei spert sederasada egl orient ed egl occident. Inscripziuns el Caucasus ed en Phrygia documenteschan quei. Ei dat medemamein fastitgs dalla veneraziun en Gallia ed en Spagna. Ferton che la baselgia catolica occidentala seregorda dils sogns G. e Q. ils 16 da zercladur, festivescha la baselgia orientala, ton ortodoxa sco catolica, ils sogns martirs ils 15 da fanadur (tenor il calender dalla baselgia bizantina, siroantiochena e chaldeica dalla Siria digl ost ni „nestoriana“).

 

:: Uniuns dil vitg
 

Nus supplichein ils responsabels dallas uniuns da mintgamai annunziar midadas dalla persuna da contact directamein all'administraziun communala per telefon +41 (0)81 941 10 14 ni email.

   

Chor mischedau

 

-

Giacun Tuor
tel. +41 (0)81 941 10 94

     

Pleiv Andiast

 

-

Sievi Sgier
tel. +41 (0)79 448 84 05

     

Samariter Vuorz/Andiast

 

-

Andi Janki
Tel. +41 (0)81 941 15 52

     

Societad da musica

 

-

Daniela Vincenz
tel. +41 (0)81 925 40 05

     

Societad da tir

 

-

Guido Sgier
tel. +41 (0)81 941 10 33

     

Uniun da catschadurs Bostg

 

-

Rita Killias
tel. +41 (0)81 921 53 66

     

Uniun da dunnas

 

-

Georgina Volken
tel. +41 (0)81 949 19 59

     

Uniun da giuventetgna

 

-

Curdin Vincenz
80er@udgandiast.ch